தமிழக அரசு வெளியிட்டுள்ள சமச்சீர் கல்வி முறையிலான எட்டு முதல் பத்தாம் வகுப்பு வரையிலான பாடபுத்தகங்கள் இணையத்தில் காணலாம். காண கீழே சொடுக்குங்கள்.


http://www.textbooksonline.tn.nic.in/Std8.htm

திருப்பதி மலை வாழும் வெங்கடேசா கலியுகம் தோற்றிய நாள் முதலாக இருந்து வருபவன் கலிவரதன் என்பது எப்படி எடுத்துசொல்லப்பட்டது?
வேதங்கள் எப்போது தோன்றின என்பதை இன்று வரை யாராலும் சரியாகக்கணித்து கூறப்படவில்லை. காலத்துக்கு அப்பாற்ப்பட்ட நான்கு வேதங்களில் ரிக் வேதத்தில்
" ஆறாயி கானே வெங்கடே கிரீம் கச்சா சதானவே
ஸ்ரீம் பிதாஸ்ய சத்வம்பிஹி தேபிஷ்ட்வத்சதயமசீ " என்று வேங்கடேசனை வணங்கி அவன் அருளை பெறச்சொல்லும் சுலோகம் ஒன்று இடம் பெற்றுள்ளது. வெங்கடேசன் கலியுகம் தொடங்கிய நாள் முதலாக இருந்து வரும் கடவுள் என்பதற்கு வேறென்ன சான்றுகள் வேண்டும்?

இப்போதெல்லாம் மிகவும் பிரபலம் ஆகிவிட்ட கைபேசி நிறுவனங்கள் தங்களின் வியாபாரத்தை அதிகரிக்க சிம் கார்டு இலவசம் மற்றும் சிம் கார்டு பாத்து ரூபாவிற்கு வாங்கினால் முப்பது ரூபாய் அல்லது நாற்பது ரூபாய் பேசும் நேரம் உண்டு என்று விளம்பரபடுத்துகிறார்கள். சமீபத்தில் நான் சந்தித்த நண்பர் ஒருவர் சொன்ன தகவல் மிகவும் அதிர்ச்சியாக இருந்தது. அவர் வீட்டில் நிரந்தரமாக ஒரு செல்பேசி எண் வைத்திருக்கிறார். இப்படி கவர்ச்சியான விளம்பரத்திற்காக அளிக்கப்படும் சிம் கார்டுகளை வாங்கி அதில் இருக்கும் பேசும் நேரத்தை மட்டும் உபயோகபடுத்திவிட்டு அதை தூக்கி எறிந்து விடுவாராம். இதை மற்றொரு நண்பரிடம் பகிர்ந்து கொண்டபோது அவர் சொன்ன தகவல் சிரிப்பை வரவழைத்தது. பாஸ்போர்ட் அளவு புகைப்படம் இப்போதெல்லாம் குறைந்த விலையில் நிறைய கிடைப்பதால் அதை எடுத்துக்கொண்டு இப்படி மலிவுவிலை சிம் கார்டுகளை ஒருவர் நாற்பது கார்டுகள் வரை வைத்திருப்பதாக சொன்னபோது இதை நினைத்து சிரிப்பு வராமல் என்ன சொல்வது. என்ன கொடுமை சரவணன் இது?

நகர்வலம் வந்த மகாராஜா அங்கே ஒரு ஏழையை கண்டான். அவனின் வறுமையை கண்டு மனமிரங்கி அவனை ஒரு மலையுச்சிக்கு அழைத்து சென்று " கண்ணுக்கெட்டிய தூரம் வரை உள்ள காடு முழுவதும் உனக்கே சொந்தம்" என்று சொன்னார்.
நாட்கள் கடந்தன. மீண்டும் ஒரு முறை நகர்வலம் வந்த மன்னன் அந்த ஏழை பழைய நிலையிலே இருப்பதை பார்த்து அவனிடம் சென்று தான் தானமாக கொடுத்த காட்டை பற்றி கேட்டான். அவன் சொன்ன பதிலை கேட்ட மன்னன் மூர்ச்சையாகி போனான்.

ஏழை: " அரசே நீங்கள் எனக்களித்த மரங்களை எரித்து கரியாக்கி விற்று விட்டேன் "

ஆம் அவன் ஒரு கரி வியாபாரி. ராஜ கொடுத்ததோ சந்தனக்காடு.

இப்படிதான் இந்த நாட்களில் பலரும் தங்களின் கைகளில் கிடைத்த சந்தானம் போன்ற நல்ல உள்ளங்களை எரித்து கரியாக்கி தங்களின் சுயலாபங்களை தீர்த்து கொள்கின்றனர்.

நேற்று இடம் பெற்ற செல்லமே தொடரில் தாயம்மா(சுபாஷினி) அண்ணனை பார்த்து கேட்கும் காட்சியில் "மலட்டு சிறுக்கி" என்று பிள்ளை இல்லாத செல்லம்மாவை பற்றி சொல்லி கத்தும் நிகழ்ச்சியை பார்த்து ஒரு கணம் ஆடிபோனேன். ஒரு பெண் தயாரிக்கும் தொடரில் ஒரு பெண் இப்படி அநாகரிகமாக பேசுகிறார். ப்ரைம் டைம் நேரத்தில் ஒளிபரப்பாகும் தொடரை எதனை பிள்ளை இல்லாத பெண்கள் பார்க்கிறார்கள். அவர்களின் மனங்களை ஈட்டி கொண்டு குத்தினார் இன்று சுபாஷினி.
பெண்களால் வளர்க்கபடுகிறது பெண்ணடிமைத்தனம்.
வாழ்க.

உலகின் மிக உயர்ந்த செல்வம் தாய் தான். சென்ற டிசம்பர் நான்காம் தேதி மறைந்த என் தாய் எனக்கு கிடைத்த மிக பெரிய செல்வம். நாற்பது வயதான என்னை இறுதி வரை ஒரு குழந்தை போல பாவித்த அந்த தாய் மறைந்த போது உலகமே இருட்டி போனது எனக்கு, மரணபடுக்கையில் என் தாய் என்னிடம் சொன்னது " நீ என்னை நல்ல பார்த்துகிட்ட " . என் செவிகளில் என்றும் ஒலிக்கும் இந்த ஒலி தான் எனக்கு கிடைத்த மிகபெரிய ஆறுதல்.